琴日終於又考多一個牌啦....就係輕形貨車車牌...係李健考

全包價要4800蚊左右...平過駕駛學院多多聲....

不過買車同油錢又好重皮wor.....grad 左份糧又咁少.....睇怕自己買車有排都

成事啦....真係羡慕果d 有米可以玩車ge人....

year 2 目標係過埋基準試!!

好耐無打過呢度

原來今日係高考放榜, 搞到我諗番起好多野, 好感慨

打俾兩個同學問下佢地考成點, 一個幾好, 一個痳痳,

我份人又唔鐘意講d 安慰說話, 一句心照大家朋友明曬嫁啦

唔經唔覺入左教院一年,感覺幾好呀, 算啦,錯有錯着!

唔經唔覺又過左一個星期啦....

我宜家都幾煩.....唔知點開口推左一份補習.....

我唔想得失客仔....山水有相逄....

又想做到好來好去...有無人有好計仔呀?

都好耐無打XANGA 呀好似...自己都差D唔記得左有個XANGA...

入左教院咁耐....得一個字....就係正!!!

最正係自由.....多私人時間....可以做好多自己野....

近期努力進修普通話....終於俾我係語委會到考到個二甲...正!!!!

不過考試費就要成千六蚊...金到呀...算啦...投資黎GE.....

再此祝今年高考朋友順利....開仔同西林

慘啦...我個肚腩好大呀....成日坐住....

波仔得意...股仔又唔得意....

唔經唔覺....真係唔經唔覺....好快咁就黎到六月中啦....

數下隻手指, 仲有廿幾日就要放榜.....呢幾日成日都係度諗下

自己d 成績...幫自己計下分.....

力! 我諗我出曬了......中七呢年我放棄左好多野....

都錯過左好多野, 為ge 只係一個考試, 一個會影響我一生人的

考試....考完就算啦...唔好諗啦....講就易, 其實完全唔去諗真係

好難....

萬一考得唔好點算???點面對自己, 家人,朋友,學生..........

我呢排都諗過, 我對大部份科目都無興趣....如果西左....點算???

今日老細無啦啦同我講話我成個summer 都未玩過....一考完就黎

番工....其實唔係, 去到呢一刻我覺得自己玩左好多.....大個仔左....

我見識過幾萬人ge 工作線.....見識過得個五蚊銀大, 但要六萬幾蚊ge

石英探頭.....試過兩日唔訓為左人生第一份報價單.....試過出第一次有

五位數的支票....

雖然我放棄左玩樂, 踼波ge 時間...但個人就覺得幾充實....

先前幾日係bear xanga發覺佢又係好驚....幾實我咪又係一q 樣......